政Whats噏:在囚邵家臻 打第四針醫糖尿上眼

20190713
東網電視
更多新聞短片
邵家臻早前不適,到伊利沙伯醫院做「通波仔」手術。
因為違法佔領行動而被判監8個月、依家喺赤柱監獄服刑嘅社福界立法會議員邵家臻,近日透過助理喺社交平台交代近況及糖尿病情,佢透露體重下降,至於糖尿上眼問題,已經打咗第3針,正排期打第4針,叫大家唔使擔心佢。
佢又講起喺獄中體重下降嘅事,話依家每朝11點半至晏晝12點半都會暴曬,做甩手操同行圈嘅簡單運動,仲因為曬到黑咗同瘦咗,體重跌到落去80公斤,又稱會喺獄中繼續努力工作,希望大家支持。
邵身體一向有毛病,唔止患有濕疹,仲有糖尿病,嚴重至糖尿上眼,需要打醫治嘅針藥控制病情。佢在囚期間,發現其中一條心臟血管塞左逾90%,需要到伊利沙伯醫院心臟中心做「通波仔」手術,喺血管中裝2個支架。