政Whats噏：何處是樂土？　蕭偉強：要心之所安

勞工及福利局前局長蕭偉強(WK)同太太近日去咗日本横跨長野和富山縣嘅立山，嗰度仲有積雪㗎，有網友見到佢喺社交網站上載嘅相，仲話佢去咗樂土，要好好享受，但佢回應話「心之所安，便是樂土。我們以之為家的，本來就是！」好明顯佢仍然對香港嘅亂象憂心仲仲。

喺6.12反修例集會示威者與警方爆發激烈衝突後，包括WK在內等七名前問責官員發聯署聲明，要求政府成立獨立調查委員會調查事件，希望可以拒對立、尋出路，但政府並冇任何行動。

其實佢一直都留意住事態發展，喺Facebook不斷都有貼文講感受同意見，見到依家對立面擴大，多區都爆發大型遊行同衝突事件，去玩都唔心安喇！