政Whats噏:囡囡畫作揚威國際 全靠蕭俊謀餵蚊

2019年07月16日 01:00
東網電視
更多新聞短片
蕭俊謀(後排左)一家人去橫濱睇囡囡(前排右)攞獎。(受訪者提供)

為咗贏在起跑線,好多家長都安排小朋友學好多嘢,但有時逼唔嚟,最緊要係講興趣,可能會有更好嘅發展。好似博愛醫院前主席蕭成財(財哥)咁,佢六歲嘅孫女蕭得悦(Jaycee)原來係一名「小畫家」,啱啱喺日本神奈川世界兒童藝術雙年展中奪獎,揚威國際呀!

財哥嘅兒子蕭俊謀係博愛嘅前總理,到底囡囡Jaycee嘅作品劃咗啲乜嘢呢?原來Jaycee嘅作品嘅靈感喺嚟自爸爸蕭俊謀,因為爸爸經常畀蚊咬,所以佢就將爸爸嘅表情畫出嚟。咦!囡囡攞獎都多得爸爸餵蚊喎,同時亦都反映香港蚊患幾咁嚴重。

早前蕭俊謀仲同家人一齊到橫濱睇Jaycee攞獎添!而相關作品由今個月至明年三月,會喺日本十五個地方展出,之後再到世界各地巡迴展覽,真係可喜可賀!