政Whats噏︰劉鎮漢月底離任 黃進達姚思榮搞餞別宴

2019年07月16日 02:45
東網電視
更多新聞短片
姚思榮(左三)同黃進達(右四)等旅遊業界幫劉鎮漢(左四)舉行餞別晚宴。(互聯網)

旅遊發展局(旅發局)總幹事劉鎮漢本月底將離任,立法會旅遊界議員姚思榮近日喺社交網站貼出相片,包括有旅遊業議會(旅議會)主席黃進達(Jason)等旅遊業界幫劉鎮漢舉行餞別晚宴。Jason話當晚係旅議會理事會搞嘅,佢哋一向同旅發局合作無間,大家同劉鎮漢相識多年,所以都特別聚一聚,搵埋姚思榮一齊歡送佢咁話。

Jason話同劉鎮漢相識超過10年,大讚對方一直好落力推動旅遊業,喺唔少海外推廣嘅活動都有一齊參與,最難忘係每年單車節,就算劉鎮漢單車技術麻麻,喺彎位會炒車仍瞓身參與,幾辛苦都捱到尾,真係好欣賞佢為業界咁落力。睇嚟佢都唔多捨得劉鎮漢嘞!

依家仲未知道邊個會接任旅發局總幹事一職,Jason話預計繼任人都需要時間適應,因為始終旅發局牽涉嘅事情都相當多咁話。