踩線急煞兼鬧人　躁司機怒舉中指：咁揸有咩問題

私家車急煞兼怒舉中指？近日元朗有私家車疑「玩嘢」急煞車，更自稱駕駛態度沒問題，惹來網民狂派嬲︰「唔報警都對唔住自己啦」。

有網民將影片上載至Facebook群組「香港交通突發報料區」，據畫面所示，周日（14日）下午2時許，事主駛經安樂路近水車館里時，左線的私家車突然越過中線急停，幸事主連忙扭軚閃避，始避過相撞。

私家車司機向從後追上的事主舉起中指，怒斥：「你影完未呀？有咩問題呀！X你老母！」他着事主報警後，迅速駛離現場。

事主在貼文中形容：「條友明顯刻意急煞車，完全無理會後車情況…嚴重罔顧安全」。

不少網友斥謂：「佢個牌買番嚟㗎」、「條友好似冇扣安全帶」、「垃圾揸垃圾車」、「唔好放生佢」、「又叫人報警，又走得咁快」。

---------------

《港呢啲》：大事小事騎呢事，東網嚴謹選題，輕鬆製作！