神邏輯？嫌焗批有裂紋　港男斥店員︰非洲兒童冇嘢食

少許瑕疵都不能接受？近日有咖啡店食客因薯仔批加熱後出現裂痕，質疑店員以垃圾奉客，怒斥店員10分鐘。

有連鎖咖啡店前員工向Facebook專頁「西客之道 Hispitality Secret」投稿指，有食客點了一客薯仔批，經店員翻熱後，批面出現小量裂痕。食客見狀大感不滿：「你畀啲咁嘅垃圾我食，有冇搞錯」。

店員提議為食客更換食物，惟食客聞言發難，連珠炮發約10分鐘：「依家唔係換唔換過嘅問題。我等咗咁耐你畀件垃圾我，你知唔知非洲啲兒童連嘢都冇得食」。

不少網民狂嘲：「非洲兒童冇得食，你又嫌棄個批有裂痕」、「啲邏輯真係神奇到咁」、「佢打算唔咬開成個一嘢啪入口？食嗰時唔再完整咁點算呀」。

---------------

《港呢啲》：大事小事騎呢事，東網嚴謹選題，輕鬆製作！