政Whats噏:中東遇同性戀警察 嚇親沈運龍

20190722
東網電視
更多新聞短片
全憑自傳內一張陳年舊照,令沈運龍與舊同事恢復聯繫。(徐家浩攝)
到海外謀生,最好係能夠掌握當地嘅語言。喺珠寶界有「中東王子」之稱嘅香港珠寶製造業廠商會榮譽主席沈運龍,儘管只懂得二百多個阿拉伯文嘅生字,但都足以令佢擺脫險境,逢凶化吉。
沈運龍尋日講述自己奮鬥經過嘅新書發布會中,透露有次喺中東做完珠寶買賣,於暮色中獨自開車穿越沙漠返宿舍休息,點知途中遭一輛警車截停,檢查佢車上財物嘅警察不但面容猥瑣,仲一邊摸佢塊臉,一邊用阿拉伯話講「愛人」,嚇到毛管戥嘅佢仍勉力保持冷靜,用阿拉伯話建議嗰位警員開警車跟佢返宿舍。結果佢一返到宿舍就不斷響按同大聲呼叫,從睡夢中吵醒嘅同事紛紛走出宿舍一探究竟,嗰位圖謀不軌嘅警員亦都知難而退。
因長期喺中東謀生,佢亦失去早年喺香港打工同事嘅聯絡,估唔到喺自傳裏面刊登嘅一張陳年舊照,竟然畀中電企業發展總裁莊偉茵認出,其中兩位同沈運龍合照嘅少女,就係佢嘅大家姐同二家姐。能夠與舊同事恢復聯繫,佢感嘆話緣分真係好奇妙。