政Whats噏:陳岳鵬去北京 上長城做好漢

20190723
東網電視
更多新聞短片
陳岳鵬去咗北京,登上長城。(互聯網)
離開咗熱廚房後,政制及內地事務局前副局長、現職馬會行政經理嘅陳岳鵬(Ronald)最近忙啲乜?睇佢Facebook先知原來佢去咗北京,事關佢上載咗張自拍相,仲留言話:「今日做了好漢。」
原來佢去咗長城。有網友心水清,問佢身上嗰套係邊度嘅制服?Ronald就話今次係參加咗馬會贊助嘅「香港盃外交知識競賽」訪問團,同八十個香港嘅老師同學生訪問北京同貴州,先至有機會登上長城做番次好漢。
但網友就關注Ronald有冇代表香港獨特文化,着人字拖上長城,更有網友質疑佢「知法犯法」,喺内地偷偷地翻牆,先至上載到張相。