政Whats噏:發貼晒合照 哪吒同鄭松泰一夥?

2019年07月23日 05:00
東網電視
更多新聞短片
方國珊(左)上載咗與鄭松泰(右)嘅合照。(互聯網)

西貢區議員方國珊(哪吒)成日都話自己既唔係建制派,又唔係民主派,而係「最貼地民生派」。佢尋日(22日)突然煞有介事喺社交網站發貼,話「朋友傳給我,原來方國珊同熱血公民都係一伙(夥)」。有網民竟然係話支持,到底發生咩事?

事緣係前日(21日)元朗被大批「白衫軍」入侵,有片段影到立法會建制派議員何君堯同白衫軍有傾有講,引起公眾嘩然,仲有網民發現哪吒同何君堯合照,大肆宣傳兩人係同一夥。哪吒就發貼同何「割席」,形容係得啖笑,因為自己年中出席唔少活動,不論派別嘅人都有握手合照,其中就包括鄭松泰,佢語帶嘲諷咁呼籲大家可以看圖作故事喎。

哪吒強調自己從政十年,作為無黨派人士,一直抱住對事不對人嘅原則,只要民生議題有得傾,大原則一致,就可以企在同一陣線,重申不容暴力。原來係譴責暴力,難怪咁多人話支持喇。