《賞您睇》 請你玩轉台灣!

2019年08月14日 00:00
東網電視
更多新聞短片

得幾日假期又想散心?台灣啱晒你!《賞您睇》八月巨獎送你雙人來回台灣機票!台北、高雄、台中、台南四個地方任君選擇!

1.台北

無行過台北夜市點算黎過?不過夜市唔一定係夜晚先開,其實有啲地方下午已經開放,例如位於中山國小站嘅雙城美食街,下午3時已經開放。規模唔算大型,但黎嘅大部份係本地人,想避開遊客,可以考慮下!美食街中間仲有室內雜貨店,其中有一間賣夾餅嘅超級好食,老闆話紅豆味同吉士味就最受歡迎。

位於捷運公館站仲有兩條較小型美食街,主要以輕食為主。除咗炸雞軟骨,仲有大排長龍、新鮮炸嘅地瓜球,脆口之餘仲唔會油淋淋!

2. 高雄

高雄最受年輕人歡迎嘅景點,一定要數駁二藝術特區!藝術特區分為大勇倉庫、蓬萊倉庫、大義倉庫,而每個倉庫都有自己嘅主題、文藝展覽同表演;特區入面嘅駁二市集,仲有手作獨創嘅產品出售。鐘意影文青相嘅,仲可以去埋附近嘅西子灣追夕陽,喺大草地上邊野餐邊睇日落,享受喺香港難得嘅寧靜空間。

想親親大自然,就可以去高雄地質公園─田寮月世界。之所以叫做月世界,係因爲地質長期受到雨水嘅侵蝕,而變到好似月球表面咁光禿禿。入面除咗可以近距離觀察特有嘅泥岩惡地地質,仲可以沿著4條步行道,環繞玉池,漫步月世界,欣賞山脈倒影在山水之間嘅自然景色,感受高雄得天獨厚嘅自然面貌!

3. 台中

喺香港有幾可可以喺青草地溪水旁hea下?所以嚟到台中就一定要去清境農場。有小歐洲之稱嘅清境農場除咗有藍天白雲大草原,仲有一大班綿羊仔喺草原上慢步食草,你仲可以近距離親親小綿羊,同羊羊自拍兼餵佢哋。當然重頭戲就梗係睇「綿羊脫衣秀」啦,唔好諗錯隔離,係睇羊羊剃毛咋,睇住啲綿羊由一團毛變到光禿禿,真係好得意好治愈呀!走之前記得食番杯新鮮羊奶雪糕啊!

想睇天空之鏡,就可以去台中高美濕地。高美濕地被國際網站譽為一生必遊一次嘅景點,仲係世界6大天空之鏡之一。要影到傳説嘅天空之鏡同夢幻夕陽,最好傍晚時分5點至6點之間前往,如果想避開人群,記得向濕地深處行入少少,就可以影到完美嘅天空之鏡相喇!

4. 台南

想反璞歸真,感受濃濃人情味、古早味,台南一定係最佳選擇。想睇古蹟、了解更多台灣歷史文化,就可以黎台南安平區。安平係台南擁有悠久歷史的觀光地區,除咗有由荷蘭人執政時期所建成、台灣最早嘅要塞建築,見證住台灣近400年歷史之安平古堡,仲有億載金城、安平樹屋、德記洋行等相當多嘅古蹟。行到攰仲可以去埋安平老街,試齊唔同台南小食!

係咪心郁郁想去呢?咁就要快啲行動,即刻下載或更新東網APP,邊睇新聞邊儲分,每月賺得最多on.cc coins嘅兩位東網會員,就可以贏走雙人來回台灣機票!快啲叫埋親戚朋友一齊撳撳撳撳搶分啦!

立即參加:https://tinyurl.com/yxa3a8z8

$0拎機票方法如下︰

1. 下載或更新東網App
2. 按右下角「金幣」
3. 登記成為東網會員
4. 連結The Club帳戶
5. 用東網APP,睇新聞儲on.cc coins
6. 每月賺取最多on.cc coins的2位會員可獲得雙人來回機票一套

* 機票由Club Travel提供
註:活動受條款及細則約束