政Whats噏：梁繼昌賣萌　同南韓國會議員做「手指心心」

立法會議會聯絡小組委員會副主席梁繼昌（Kenneth）近日喺社交網站上載咗一張同南韓國會議員Lee Jung Hyun嘅合照，佢哋喺香港立法會大樓內見面，仲一齊整手指心心嘅手勢。其實呢個手勢係唔少韓星影相時嘅招牌動作，唔知大家覺得Kenneth同南韓人比，邊個做得正宗啲呢？

Kenneth話今次見嘅呢位李先生係前輩，仲同分享咗一個當地議會笑話，話如果沒有選舉，國會議員係一份好好嘅工作。睇嚟南韓國會議員同樣唔易做，唔知佢今次嚟到香港立法會，見到大樓咁多地方損毀，會唔會覺得喺香港做議員同樣唔易呢？

Kenneth又話今次交流發現香港立法會議員同南韓國會嘅工作大致相同，連會期都差唔多，同樣係約八個月，但原來南韓國會九月至十二月期間會每日舉行會議，其餘都係雙數月份先會開會咁話。