政Whats噏：港鐵公司事務總監蘇家碧　明年1月離職

港鐵有人事變動，今日(20日)公布蘇家碧(Linda)辭任公司事務總監、執行總監會成員同企業責任委員會成員，明年1月16日生效。據了解，Linda喺上月中已遞信，話希望可以嘗試下其他嘅工作。

Linda離開官場前，官至商務及經濟發展局副秘書長，之後做過香港工業總會行政總裁，喺2015年9月中正式出任港鐵公司事務總監，但甫上任就遇到好多棘手問題，唔單止要處理港鐵經常故障同甩漏及高鐵工程超等，仲要處理攜帶大型樂器嘅爭議，搞到佢未坐定就要四出解畫，而佢喺港鐵工作近4年間，沙中線亦被揭發連串失誤，確實火頭處處。

據了解，Linda亦覺得港鐵喺處理某啲問題係比較困難，因為外界覺得港鐵係公營機構，但實質係上市公司，要完全滿足公眾嘅期望比較難。話說佢離開港鐵係要迎接其他機遇，究竟有乜新動向？大家要拭目以待嘞！