政Whats噏:亞馬遜大火影響廣泛 余遠騁憂影響藥材原材料

20190830
東網電視
更多新聞短片
余遠騁關注亞馬遜森林大火,直言影響廣泛。(徐家浩攝)
巴西亞馬遜森林大火遲遲未撲熄,已經引起全球關注。世界綠色組織行政總裁余遠騁(William)同樣關注,大嘆呢場大火影響廣泛,絕對唔止物種被毀咁簡單。
William話,亞馬遜森林對地球好珍貴,幫手吸收二氧化碳,每年更為地球製造出兩成氧氣,而且孕育出唔少物種,有部份藥物嘅原材料更係來自雨林,所以呢場大火影響絕對唔細。
另外,全球暖化呢個議題已經講咗好耐,佢話情況愈見惡化,因為過去一年世界各地都出現多宗因高溫而死亡個案,為環保就要身體力行,若果前住路程短嘅地方,佢會選擇以步行代替乘搭交通工具,既能減碳,又可以當做運動喇。
不過,佢都大嘆現時夏天愈嚟愈熱,尤其打風前出現嘅熱夜令人更加難受,結果令更多人開冷氣,形成惡性循環,至於佢自己就唔太怕熱喇,似乎屋企嘅冷氣唔使點用喎。