政Whats噏:鍾志平憂「山竹」重臨 岑智明有啟示

2019年09月11日 00:30
東網電視
更多新聞短片
鍾志平(左)帶隊參觀天文台,岑智明(右)細心講解。(互聯網)
舊年香港遭到超強颱風「山竹」吹襲,對社會帶來嚴重破壞,令到唔少平時打風只顧玩樂嘅香港人終於感受到大自然嘅威力。職業訓練局主席鍾志平尋日就有機會去天文台參觀,亦都把握機會問天文台台長岑智明相關問題喇!
岑智明上載參觀照片到Facebook,透露鍾志平問山竹會唔會喺今年重臨,岑智明即場對佢大派定心丸,直言目前機會唔大,但仲要睇未來兩三個星期嘅發展喎。咁講法即係仲有變數,真係要多留意天文台消息先穩陣。
另外,鍾志平似乎對氣象好有興趣,竟然問到風切變同颱風歷史,而岑智明亦都非常熟書,分享1971年颱風「露絲」,連1906年嘅「丙午風災」都講埋,相信今次鍾志平同埋一班職訓局學生、員工都獲益良多喇!