每日一片:視障伯伯撼埋車 暖男「貨車佬」溫柔引路

2019年09月11日 13:28
東網電視
更多新聞短片
「貨車佬」熱心助視障伯伯的舉動,網民激讚是香港精神。(互聯網)
「貨車佬」一向給人粗豪的形象,不過有些時候,他們亦會表現出柔情一面。近日有一名自稱「貨車佬」的運輸司機就在路上遇上視障伯伯,對方因睇唔清路面撞上貨車車身,最終「貨車佬」主動協助攙扶伯伯到目的地,行徑被網民激讚。
事發於昨日(10日)下午約1時,相信是貨車佬本人的網民Oscar Silva Chan在Facebook群組「小心駕駛(討論別人駕駛態度)」上載一段車cam片,片中是事主落車攙扶伯伯,他更在貼文中講述經過。當時他將車停在觀塘秀茂坪路邊,正準備落車之際,從側鏡發現一名伯伯正向其車斗方向行去並撞上車斗。他落車查看,伯伯表示自己「睇唔到嘢」,又謂正準備前往商場飲茶,事主於是主動提出為伯伯引路。
二人傾談期間,伯伯表示他眼睛只餘下一成視力,事主奇怪伯伯為何沒有持盲人手杖,對方卻回應:「我唔鍾意用,因為成日打到腳」,答案令事主哭笑不得。貼文中更感性留言:「細細個已經成日聽到一句說話,助人為快樂之本」、「爸媽由細到大都教我哋三姐弟要有禮貌,尊重別人,尊敬長輩」。
網民看過貼文後,都讚賞事主助人行為,「香港精神」、「你真係好x型,多謝你,香港人,加油」、「溫柔的運輸佬、鐵漢柔情」、「唔畀個『讚』你真係唔得」。