電子貨幣選擇少 港男公審新開張餐廳︰我幫你宣傳吓

2019年09月12日 08:15
東網電視
更多新聞短片
用咩方式畀錢真係咁重要?
香港的投訴文化向來嚴重,近日就有食客不滿餐廳不接受八達通付款,當場向經理投訴不果,一氣之下發貼公審,反引來網友怒批:「小題大做,唔該請不要影衰香港人啦」!
有食客投訴指,他周日(8日)在大埔一間連鎖西式快餐店點餐時,發現餐廳僅可以現金或支付寶付款。他大感費解︰「呢度叫香港!點解冇八達通?易辦事冇,信用卡又冇」。
他隨即向經理反映,獲解釋指因餐廳剛開張不久。他抱怨道:「你哋都開咗檔成個月,裝部八達通都唔使一個星期!如果你真係唔想做香港人生意,我就幫你宣傳吓」。
他其後將事件分享至Facebook群組「Tai Po 大埔」,誰料反遭網友圍攻:「其實你呢啲搵經理發洩嘅行為都幾野蠻」、「畀現金其實有乜問題」、「你肯定裝八達通連申請唔使一星期?」、「要世界圍繞你嚟轉」。
---------------
《港呢啲》:大事小事騎呢事,東網嚴謹選題,輕鬆製作!