政Whats噏:黃之鋒常唱衰香港 網民諷賣國

2019年09月13日 15:57
東網電視
更多新聞短片
黃之鋒近日到德國訪問時稱「香港就是新的柏林」。
香港眾志秘書長黃之鋒,經常到國外「唱衰香港」,曾被批評係「新生代漢奸」,近日黃到德國訪問時,更以冷戰時期嘅柏林形容現時嘅香港,稱「香港就係新嘅柏林」,惹來外界多番批評。黃之鋒近日喺網上被截圖並被批評佢20幾歲就識得「賣國」,呢番諷刺黃之鋒嘅言論喺網上瘋傳。睇嚟唱衰香港,真係註定惹來外界反感!
有關諷刺黃之鋒言論,係貼上黃嘅相片,並撰文指「你們真的冇嚟大志」,只懂賣菜、買車、賣房的小生意,(來)看看這位20出頭嘅未來社會主人翁已經懂得賣國。
黃過往曾經多次到國外講述香港發生嘅事件,被形容係唱衰香港,佢過往亦曾呼籲英美政府施壓介入香港嘅事件,又曾公開表示希望美國國會盡快落實《香港人權民主法》,曾被官媒形容黃為亂港分子,主動「賣身」予美國主子,係「新生代漢奸」。
黃近日到德國訪問,又稱「香港就係新嘅柏林」,其訪問遭官媒批評為分裂分子,指其言論係為咗討好西方政客,批評佢將香港比作柏林,既是對歷史嘅無知,亦係對現實嘅懵懂。黃一次又一次到國外唱衰香港,多次被外界猛烈批評都唔肯收手,難怪會被認為係「賣國」啦!