政Whats噏:錯過會議無得插建制政黨 梁福元改為網上抽水

20190920
東網電視
更多新聞短片
梁福元不點名批評民建聯,又鬧政府捨易取難。(互聯網)
鄉議局喺今個星期開咗執委會,多人喺會上點名炮轟提出引用《收回土地條例》嘅民建聯,但十八鄉鄉事委員會前主席梁福元當時未有參與討論,今日(20日)就改喺Facebook發炮再鬧。
早前開會安排特別環節討論《收回土地條例》,今屆起擔任鄉議局永遠顧問嘅梁福元冇發言,傾到呢個環節時仲唔見咗人。雖然冇喺會上加入炮轟民建聯行列,但佢就網上出擊,話有政黨大肆宣揚「今日的我打倒昨天的我」,重提以《收回土地條例》徵收土地發展房屋,一聽就知鬧緊民建聯喇。
梁福元講到,新界有好多荒廢農地同祖堂地,因為無得到應有發展先搞到咁荒蕪,單單好似十八鄉,雖然位置近市中心,但就因為政府唔重視而野草叢生,仲話好多熟地只要簡單基建就可以提升,但偏偏政府拾易取難搞棕地先難取得全民支持喎。