網民熱話:瞓身抹窗搵命博? 網民驚嘆高難度動作

2019年09月22日 07:00
東網電視
更多新聞短片
疑似外傭為了抹窗爬出露台,半身懸空,十分危險。(互聯網)
清潔家居固然重要,但安全第一,若不小心,隨時發生意外。近日馬鞍山有疑似外傭在抹窗時展示高難度動作,在露台外半身懸在空中,十分牙煙。網民看後亦替佢心驚:「真的很危險!」
網民Ken Lock前日(20日)於Facebook群組「馬鞍山之友 MOSers (Since 2014)」發布貼文,指見到一名疑似外傭正在露台抹窗,動作十分危險。從貼文附圖可見,女子站在露台,以左手作為支撐點,右手持玻璃刮清理窗戶,半身懸在半空。發文者表示,自己看了約兩分鐘,特意發文提醒,「這樣真的很危險!很危險!」
網民看過貼文後大表驚嚇,有人留言「搵條命較飛,一失足成千古恨。」亦有人感謝事主:「的確好危險,唔係多餘,多謝提醒!」「似唔似工人?有時工人姐姐安全意識低,僱主都唔想佢哋咁博」,建議事主通知管理處處理。事主隨即稱:「似係工人,我影咗片!」又承諾會向管理處反映。
網民有話說:
Clifford Koo:黐線~害人害物!到今時今日仲有呢啲人
Nelson Cheng:係工人姐姐嘅話的確好盡責,請得過,但僱主最好買番支長嘅刮窗嘅畀佢,唔使搵命博嘛
Yin Lok:支窗刮咁短已經攞命,仲要隻腳頂住玻璃借力,希望冇事發生
※緊貼網民熱話,掌握最熱話題,請關注網民熱話fb: