每日一片:的士爬頭撞車攞嚟衰? 車Cam揭真相

20191010
東網電視
更多新聞短片
一宗的士與貨車相撞的小意外,竟惹起網民議論紛紛。(Facebook群組「小心駕駛(討論別人駕駛態度)」影片截圖)
駕駛時有車Cam拍攝,絕對可以將真相還原。近日一宗涉及的士的交通意外,表面是的士在行駛時突然爬頭及切線所引發,不過有目擊網民上載現場車Cam片,卻揭發的士「錯唔晒」。
現場是旺角亞皆老街近洗衣街,事發於昨日(9日)中午約12時。車Cam片段所見,現場交通頗為繁忙,車輛都要緩緩前進。一架的士在靠近路邊的慢線行駛,前面是一架貨車,期間的士突然抽出中線,越過貨車後,再爬頭企圖切入貨車前,結果被剛起步的貨車撞上。不過只要細心留意,其實該輛貨車一直是停定的「死車」,直至跟車回來,司機似乎未留意現場情況便隨即開車,結果撞及剛轉線的的士。
有網民最初都直指錯在的士身上,「差一個車位就輸晒」,「的士咁Cut線,冇贏嘅理由呀嘛?」直至有網民提醒貨車是「死車」後,都大呼的士司機好彩,「如果冇片咁Cut線,的士輸九成,依家貨車輸九成」、「只睇位的士輸」、「貨車係正線,但佢之前打死火燈停車,的士過佢Cut線係合理使用道路,之後貨車(跟車)一上人(司機)就唔理交通情況開車,係不小心駕駛」。亦有人狠批貨車司機鹵莽,「開車前要望清交通環境,如果係人咪X街?」