政Whats噏:屢與陳肇始傳不和 陳凱欣唔認數

2019年10月13日 02:00
東網電視
更多新聞短片
雙陳究竟有無不和,大家憑所見所聞判斷吧。
立法會議員陳凱欣曾任食物及衞生局政治助理,曾多次傳與其上司、現任食衞局局長陳肇始不和,話佢哋喺局內已經唔啱,所以陳凱欣就走去做議員,一做議員就又針對陳肇始,次次追打食衞局,外人睇落就好似真係水火不容咁。
問返陳凱欣係未真有此事?佢就大嗌冤枉,話呢個傳聞其實傳咗好耐,兩人性格完全唔同,之前喺局內同陳肇始都有分工,好少重疊,例如佢做嘢比較快,同埋對外多,對方就做對內嘅,好似吸煙、乳癌研究,因為各自負責嘅嘢唔同,其實好少有拗撬。
之後由政助轉做議員,第一個問題就關於醫療嘢,有人話佢炮轟陳肇始,佢就澄清話真係只係針對政策,完全冇針對人㗎,只係佢做開宣傳,背景又係傳媒,有時可能會覺得「嘩,咁舊嘅橋」。佢又話,同食衞局前局長高永文都有嘈過,對方仲話佢係頂心杉添,皆因佢覺得唔啱point就會主動講喎。