每日一片:轉線拒讓玩報復?野蠻司機閘巴士乘客「搖骰仔」

2019年10月14日 13:01
東網電視
更多新聞短片
私家車司機閘停巴士後,落車疑似向巴士車長找晦氣。(互聯網)
駕駛者在公路行車,往往因為車速較高,都要提高警覺,若加上一些危險動作,分分鐘釀成嚴重事故。昨日(13日)西九龍公路就發生一宗驚險事件,一名私家車司機疑不滿巴士拒讓其轉線,竟從後突襲閘停巴士,令一眾乘客無辜「搖骰仔」。
現場是西九龍公路近葵青貨櫃碼頭,事發於昨日下午4時18分。目擊者KP Cheung將片段上載於Facebook群組「馬路的事討論區」,並貼文稱:「一架往港島方向嘅978九巴同一部私家車發生衝突,呢部私家車令到巴士急停咗3、4次左右,途中有乘客因急停而受傷。」
目擊者其中一段片中顯示,該部私家車在巴士車頭行駛,巴士則不停響按,巴士上一眾乘客則討論私家車司機行徑,「佢撩個(巴士)司機呀,幾衰呀!」「特登剷埋司機度!」至於另一段片則是私家車司機從後追上,閘停巴士。巴士被迫急煞,車內隨即響起呼叫聲,有乘客埋怨說:「大佬,你唔好搵我哋嚟玩」。隨後私家車司機更落車,走向巴士司機位置,由於片段在此結束,未知最後結果如何。
網民看過片段後,都狠批私家車司機行徑,「高速中線停車?香港人壓力係咪咁大?」「智商低就唔好揸車」,「巴士應該開前後門,大叫一齊落去X佢」。不過亦有人認為片段並不完整,要求看「前傳」。
警方發言人指,當日收到一宗交通報告,一名乘客因巴士急煞而撞傷鼻,但毋須送院治療。