每日一片：行車左搖右擺　私家車變「盲頭烏蠅」險撞車

公路「炸彈」隨處可見，司機駕駛時需格外留神。今日（29日）在干諾道西往上環方向路段，一架私家車「盲頭烏蠅」般左搖右擺，最後險與另一輛車相撞，險象環生。網民看過車cam片猜測司機在篤電話，甚至有網民質疑涉事司機是否醉駕。

網民Mike Leung於Facebook群組「馬路的事討論區」上載兩段車cam短片，從其中一段可見，私家車在事主前方行駛，私家車司機先是轉向右方，然後又突然移向左方，但又未有轉線，十分飄忽。另一段片段中，拍得該私家車在中線行駛，惟行駛至分叉路口時竟突然「扭左」。事主大驚，立時響按示警，幸好對方及時煞車，才避免兩車相撞。事主無奈稱：「呢位女司機...頭搖又尾擺咁唔知佢想點。」

短片發出後，網民紛紛猜測涉事私家車「左搖右擺」的原因，包括「玩電話」、「試緊車」、「飲醉咗」；有人則調侃：「佢已經好盡力搵緊條直線」。有網民則對事主「跟咁貼」有所疑惑，發文者隨即反問：「好貼咩？成架車距離。」