政Whats噏：林健鋒甩轆　三度嗌錯何君堯名字

今日(6日)建制派出嚟回應立法會議員何君堯遇襲，當輪到林健鋒講嘢嗰陣，一開波就講錯咗主角何君堯個名，講咗做何君「彥」，唔通佢太掛住黨友梁君彥，搞到讀錯？

林健鋒連續講錯咗3次何君堯個名做何君「彥」，要隔籬嘅黃國健係咁提佢，先至讀番啱，真係完全感受到佢讀得好辛苦啊，不過有時讀極都讀唔啱音嘅情況，大家都試過。林健鋒同立法會主席梁君彥係黨友，唔知林健鋒係咪太掛住黨友，分分鐘都掛住佢，所以先至讀錯。

其實何君堯同梁君彥個名嘅音又真係好接近，口快快讀錯都唔奇，再加多一個何俊賢，又堯又彥又賢咁，好混亂啊！