政Whats噏:臨時動議意外獲處理 譚文豪再戰陳健波

2019年11月08日 19:11
東網電視
更多新聞短片
譚文豪話議案可以喺會議完結前完成審議。(黃仲民攝)
立法會財務委員會不時上演唇槍舌劍,事關財會主席陳健波(波哥)一向惹火,結果今日(8日)又成罵戰主角,唔知係咪同泛民提出嘅臨時動議,意外地獲得同意處理有關呢?
建制派喺議會人數一直佔優,所以泛民喺會議上所提出嘅臨時動議,如果未獲跨黨派共識係難以通過,點知建制派人數不足,意外地以19票比16票同意處理泛民所提出嘅臨時動議,在場嘅建制派唔少人都一臉愕然。
之後議員逐一發言,表達是否支持臨時動議,議員譚文豪叫波哥咪咁心急,事關議案可以喺會議完結前完成審議,但波哥一聽到隨即出聲反駁,強調議案好急,搞到譚文豪都唔耐煩,批評波哥霸住其發言時間駁嘴,大問波哥「搭咩嗲啫」,浪費會議時間嗌交,但喺立法會會議上又拉布,質疑波哥只係急收工,唔知波哥係咪費事繼續糾纏,就宣布會議暫停10分鐘。
會議恢復後順利進行,而建制派依舊人數不足,不過臨時動議最終只得7票贊成、12票反對及11票棄權下遭到否決喇。