每日一片:的哥燈位逆線爬頭 司機擋路懲戒

2019年11月09日 15:10
東網電視
更多新聞短片
眼見的士逆線爬頭,有司機刻意阻擋其前進。(互聯網)
排隊等候是美德,打尖行為確實令人討厭。今日(9日)有正在揸車的網民在馬路上就遇上心急的士司機,對方在燈位前,為快人一步,竟選擇越線企圖爬頭,網民睇唔過眼下,決定採取行動,將車駛至的士前阻擋其前進,此舉雖惹來對方「舉中指」對待,但就贏回網民讚賞:「做得好!」
事主Sfire Titi C Siufung將片段上載Facebook群組「小心駕駛(討論別人駕駛態度)」,事主同時貼文稱:「個個排隊等綠燈,佢咁逆線插上嚟,我係擺明頂佢嘅。」事主最後更補充,「佢事後舉中指表示嬲嬲,已做到我想要嘅效果」。
現場是秀茂坪樂華南邨,該處屬雙線雙程行車,車輛都要「跟隊」行駛。事發於今日早上約11時半,據車Cam片所見,事主在奐華樓對出交通燈位等候時,對行線一架的士突然逆線駛至,越過多架車輛後,企圖爬頭。事主眼見對方「無規無矩」,當轉燈後隨即行動,駛前停在的士前,的士在無路可走下,惟有等其他車輛駛走才開車。
不少網民大讚事主「為民除害」,「世界級靚頂」,不過亦有人認為教訓屬「小兒科」,「頂得未夠絕,頂到佢倒後先至盡」、更建議「1823送多份禮物畀佢仲好」。亦有熟悉現場路面的網民指類似場面司空見慣,「呢度經常都係咁,因為小巴成日喺度落客,後面嗰啲又唔理,一嘢隊出嚟!」