政Whats噏:漢奸黎密會陳日君又攪局?

2019年11月10日 22:14
東網電視
更多新聞短片
陳日君(後排左一)同坐喺身旁嘅劉勝義神父,乘車抵達黎智英寓所。
反對修訂《逃犯條例》嘅激烈衝突持續5個月,喺今日(10日)多個地區爆發衝突期間,被內地官媒狠斥係「叛國禍港四人幫」之首嘅壹傳媒黎智英(漢奸黎)又喺其何文田寓所搞密會,與會嘅包括同係「搞事四人幫」嘅天主教香港教區退休主教陳日君,另外漢奸黎嘅助手Mark Simon同兩名外籍男女亦都參與其中,唔知係咪又想攪局?
今晚7時,漢奸黎嘅私家車載住陳日君同劉勝義神父率先抵達漢奸黎寓所,私家車入咗大閘,佢哋先落車,跟住步入漢奸黎寓所。前腳入咗,後腳跟住到,漢奸黎嘅七人車抵埗,見到Mark Simon坐喺司機隔籬,而一對外籍男女就喺中排座位,3人落車後,亦步入寓所內。密會咗近兩個半鐘,即約9時25分,佢哋就分別乘車離開。
話時話,漢奸黎喺一周前、嗰日維園集會不獲發「不反對通知書」,佢亦喺寓所內密會4名民主派人士,當中包括同為「叛國禍港四人幫」、有「李漢奸」之稱嘅民主黨(白鴿黨)創黨主席李柱銘及前主席何俊仁(AV仁),仲有喺違法佔領行動案(佔中案)被判囚8個月但獲緩刑2年嘅前主席李永達(高達),同埋收咗漢奸黎部分秘密捐款「袋住先」9個月嘅工黨前主席李卓人,佢哋擦海鮮,傾足近3個鐘先散會,已經令人質疑係咪又再攪局?
而喺過往一段時間,但凡喺大型嘅反修例遊行前,漢奸黎都會密會民主派人士,佢不但參加遊行,更扮演總指揮,而喺今日多區爆發激烈衝突期間,局面已經好混亂,而佢仲密會陳日君等人,唔知佢哋又密斟啲乜嘢?係咪又想諗計攪亂檔?