政Whats噏：批醫生回港執業試超難　張宇人寸郭家麒考吓

香港公立醫院醫生人手不足唔係第一日嘅事，而海外醫生想嚟香港執業嘅話可透過有限度註冊形式受聘，或者應考醫委會設立嘅執業資格試，以獲取同本地培訓醫生同等地位。不過咁多年嚟，呢個執業資格試都被人批評難度太高，令到好多海外醫生冇辦法回港執業。立法會議員張宇人喺立法會大會上提問時，就更加寸本身係專科醫生嘅議員郭家麒都未必可以考到！

張指，好多海外專科醫生喺專科方面擁有豐富知識，反指要佢哋考番全科嘅知識對佢哋嚟講好有難度，更加指就算係本地嘅專科醫生去考回港執業試嘅話，都未必可考得到。講到慶起，佢更加寸本身係泌尿外科專科醫生嘅郭家麒，叫郭去試吓考呢個試，睇吓佢可唔可以考到？

之後張宇人就問食物及衞生局局長陳肇始，問局方會唔會考慮放寬回港執業試嘅條件？陳就指，佢哋喺去年10月開始於網上設立咗教學資源中心，方便一眾準考生溫書同埋熟溫考試模式，仲話希望咁樣可以幫到一眾海外醫生考到好啲成績喎！