政Whats噏：區議會變少數派　顏汶羽樂觀認為分別不大

今屆區議會選舉結果大翻天，建制派議席大縮水，只有少數區議員能夠連任成功。觀塘區議員顏汶羽就係其中一人，但連任後變成少數派，要唔要重新適應呢？

顏汶羽就認為換屆後嘅議會應該分別不大，因為議會規矩同程序已經定咗，相信唔會有翻天覆地嘅改變，而且估計到時議會工作都會集中區政咁話。不過，佢就話地區工作點都會受選舉結果有所削弱，惟有每人行多一步幫補下喇！

另外，區議會選舉結果影響到明年立法會部署，其中建制派喺有「超級區議會」之稱嘅區議會(第二)將要換人，現時建制派人選唔多，稍有知名度嘅雙料議員都紛紛話興趣不大，唔知已經連任咗兩次區議員嘅顏汶羽又點睇呢？佢就話自己對公共政策制訂有興趣，因為不論學業定工作都離唔開呢個範疇，但最終都要睇所屬政黨安排喎。