政Whats噏:政府委任旅監局成員 姚柏良葉傲冬獲安慰獎

20191206
東網電視
更多新聞短片
落選區議會的姚柏良及葉傲冬獲「安慰獎」,獲委任為旅監局成員。
政府今日(6日)委任首屆旅遊業監管局(旅監局)成員,任期2年,出年1月1號起生效。成員包括主席馬豪輝、前立法會議員李華明、旅遊業議會前主席胡兆英,仲有喺今屆區議會選舉敗選嘅香港中旅港澳遊管理有限公司董事總經理姚柏良、油尖旺區議會主席葉傲冬等28位成員。姚、葉分別係業界同非業界成員,雖然兩位得到安慰獎,但係旅遊業界問題多多,上任後分分鐘有好多炸彈要拆,真係唔知呢個任命係好事定壞事喇。
業界成員之一嘅胡兆英話,旅監局日後將會整合旅行代理商註冊處同旅議會接管同規管業界嘅職能,處理賠償基金等等嘅重要事務,目前最緊要嘅工作係租地方做辦公用途同公開招聘總幹事,預料會增設多大約30至40人嘅人手,估計最快4個月內可以齊人,而成立組織架構後將會展開工作,全面推行全新嘅規管制度。