每日一片：小朋友手多開車門？　大懵女司機照開車

小朋友過馬路不止要多加留意，坐在車廂內，同樣會發生驚險事。昨日（21日）有網民在觀塘成業街就目睹一名女司機在上落客期間，車上有小朋友手多開車門，女司機在未及時察覺下「門照開，車照行」，險象環生。

目擊網民的Simon Fung在Facebook群組「馬路的事討論區」上載影片，又貼文指涉事女司機在例牌塞車位上落客，阻擋正準備駕車離去的事主：「係都唔畀我轉出去，仲要停喺我面前上落」。更甚者，車上小朋友疑多手開車門，險釀成意外。片段所見，女司機駕駛掛上中港牌的私家車落客後準備離開，惟起步之際，後排一名小朋友突然開啟車門，坐在其旁邊的女子似未察覺有異，當車開始行駛，小朋友一時間不知所措，縮回車廂內，結果車輛在車門敞開的情況下行駛一段路。最後事主響按提醒，對方才警覺煞車。

女司機的「大頭蝦」行為讓網民無言：「好心就唔好畀小朋友坐門位啦，要坐都啪番車門個兒童鎖啦」，有人慶幸事主及時發現：「辛苦晒師兄」。