網民熱話:貨車尾板當餐枱 網民擔心變最後午餐

20191228
東網電視
更多新聞短片
3名男女無視危險,坐在尾板前享用飯盒。
香港地出名搵食艱難,打工仔要安樂食餐午餐亦不容易。近日有網民在灣仔拍到一個「奇景」,有人竟以貨車尾板當餐枱,開餐食飯盒,不過網民紛紛替其牙煙,擔心一旦遇上「盲毛」司機,後果不堪設想。
網民昨日(27日)將照片上載於Facebook群組「小心駕駛(討論別人駕駛態度)」,現場是灣仔皇后大道東,照片所見,一架貨車停在路邊,後面則停泊另一架客貨車,貨車車尾升降板已被打開。而兩男一女則坐在車尾,以升降板作餐枱,大模廝樣坐在椅上享用飯盒,顯得非常自在。
雖然如此食飯夠創意,有網民更形容「別有一番風味」、「好似去咗露天茶座」。不過亦有網民直指此舉非常危險,「唔好彩後面有架車衝埋嚟,尾板就變斷頭台」、「真係未死過?」亦有貨車大佬分享經驗:「我都成日打開尾門,拎個尾籠地台做餐枱」,更有人上載照片,顯示多人齊齊在尾板開枱食飯,對危險情況似不以為然。
網民有話說:
Ryan Cheng:整條盲毛唔收油撞上嚟即刻齊齊一開二
Jeffery Tse:年近歲晚,危險嘢唔好做啊!
Anson Lam:呢啲先叫態度
※緊貼網民熱話,掌握最熱話題,請關注網民熱話fb: