網民熱話:女賊夾公仔店搵食 閃電手衫袋扒走手機

2020年01月10日 07:00
東網電視
更多新聞短片
天眼片段直擊女扒手極速犯案,女事主渾然未覺。
公眾地方一定要看緊自己個人物品,否則隨時成為賊人的目標。近日就有女扒手在葵涌廣場一間夾公仔店內,施展閃電手,極速從一名女子褲袋內偷走手機,由於手法十分純熟,事主公開天眼片段,呼籲網民「提高警覺」。
女事主Winnie Lam Wing Yee於Facebook群組「香港失物報失及認領群組」發文,又附上相關閉路電視片段。事發於上周六(4日)晚上約7時半。從片段中可見,一名身穿白衣的中年女子與另一名青年齊齊進入該間夾公仔店,青年雙眼一直注視手機,反而女子在公仔機不斷張望,其實卻是搵目標,最終發現全神貫注望着公仔機的女事主,於是向其「埋手」,只見她右手一伸一縮,便偷走女事主手機,得手後向男子打個眼色,便齊齊轉身離去。
女事主在貼文中稱,「當時吃了藥」,所以未能及時反應。她又表示,事發後已即時報警處理,感謝熱心老闆娘和店內客人提供的閉路電視片段,雖知道公開片段亦未必能尋回手機,但希望可提醒網民,多加小心。
短片發出後引起眾人共鳴,有網民看過短片後直呼:「真係好多呢啲X出嚟做世界!我都畀人偷過唔少次」;有人狠批女扒手「一個大人偷小朋友手機,不知所謂」;亦有人表示片中犯案手法「好熟手」,指涉事賊人「肯定偷唔少」。
網民有話說:
Duncan Tang:啲手快到呢
Kan Chan:我都試過學生時期唔見咗部白色iPhone4,真係好肉赤,喊得出
Christine Wan:我細妹都被人偷咗個電話,唔見咗都算,最多買番,但裏面有好多個女嘅相,學行學爬,有錢都買唔番,勁傷心囉。
※緊貼網民熱話,掌握最熱話題,請關注網民熱話fb: