政Whats噏:稱無盲目撐警 何君堯話企喺法治一邊

2020年01月14日 21:48
東網電視
更多新聞短片
何君堯話無盲撐警方,而係企喺法治嘅一邊。(鄭家俊攝)
反修例示威持續7個月,其中立法會議員何君堯嘅行為一直備受爭議。對於有人指佢偏幫警方,何君堯今日(14日)接受電視節目訪問時就表示,佢無盲撐警方,而係企喺法治嘅一邊。
何話唔會否認有警察執法有錯,認為任何人犯法都要繩之於法。佢又話過去7個月嚟,香港立立亂,佢認為唔可以盲目支持任何一方,而係要企喺香港人嘅立場嚟睇,同埋企喺法治嘅一方。關於備受爭議嘅721事件,何就話要按法律辦事去調查真相。
何之前喺立法會上動議譴責立法會議員林卓廷,喺舊年7月21號夜晚帶人入元朗挑釁元朗原居民,但有指喺林10點幾到達元朗前,當日下晝已經有白衣人聚集同埋有人畀白衣人打,何話雖然10點幾前發生嘅事唔係林挑釁,但唔代表之後發生嘅事林無份挑釁。何又話當日下晝佢喺港島食飯,所以佢對3點幾元朗發生咩事並唔知情。