每日一片：真係咁猛？　水馬陣離奇移動攔車

司機深夜駕駛，可能都會怕遇上靈異事件。近日有司機駕車途經土瓜灣一個「水馬陣」時，突然有水馬離奇移動，「攔截」前進車輛，雖然有網民直言被這景象「嚇死」，不過隨即有人揭開水馬移動真相。

事發在昨日（15日）凌晨3時16分，地點發生在土瓜灣馬頭圍道。從網民Chan Hinfat在Facebook群組「香港交通突發報料區」上載的車Cam所見，當時行車線兩邊都排上一列水馬，由於夜深關係，馬路上幾乎冇人冇車，期間事主在行駛途中，左邊一排水馬慢慢移動，剛好攔在車主座駕車頭。面對這「靈異」場面，事主反應非常冷靜，將車停下，打死火燈後，便落車移開水馬「開路」。

事後有人直言被此畫面「嚇死」，甚至形容「好邪」、「靈異事件」、「如果我遇到，個心真係離一離」，不過亦有人笑稱是「畀過路費」。最後有網民卻揭開背後原因，估計水馬未注滿水，遇上大風而吹至移動。