政Whats噏：立法會櫃員機啟用　陳振英先撳為快

立法會秘書處今日(21日)出電郵通知，兩部位於立法會綜合大樓大堂分別屬於香港上海滙豐銀行和中國銀行(香港)嘅銀行自動櫃員機，已經安裝完成，開始啓用。立法會議員陳振英先試為快，即日和同事去櫃員機撳錢。

陳振英話立法會多年嚟都無櫃員機，因為無乜銀行有興趣。陳於一年前左右開始同立法會秘書處討論加設櫃員機，仲親身參與招標工作。既然櫃員機由自己一手一腳引入，梗係要支持下喇！陳仲話，本身以為櫃員機會提供新款紙幣，點知仲係舊款。

講到擔唔擔心立法會再被衝擊，櫃員機隨時不保。陳就話依家立法會已經加強保安措施，相信示威者好難再衝入嚟。櫃員機係畀議員同職員用，如果破壞咗都唔知幾時先整得番，希望大家都可以錫住喇！