政Whats噏：維園無乾貨　譚文豪寧行工廠區花市

今年維園花市無咗乾貨區，搞到唔少去開維園辦年貨嘅市民都好頭痛。有觀塘區議員同民間團體合作，喺工廠區搞咗個花市畀居民辦年貨，身兼工業大廈政策小組主席嘅立法會議員譚文豪(Jeremy)今午(23日)就為一連兩日嘅觀塘「年宵見」花市主持開幕禮，不過佢同一眾區議員都戴晒口罩，唔知係咪擔心近排來勢洶洶嘅武漢肺炎呢？

Jeremy就話唔擔心就假嘅，所以花市現場都有口罩同硯液供應，等市民可以安全又開心咁行花市，過個好年。佢又話唔排除其他區居民都會嚟觀塘行花市，但相信大會會做好人流管制，而且市民近日既衞生意識都打晒底，所以唔怕因為人流密集而加大傳播疾風險。

今年Jeremy講明唔會行維園花市，覺得無晒乾貨就冇咩過年氣氛，又話政府取消今年維園嘅乾貨攤檔擺明係唔理市民實際需要，但就講到係為咗長者同行動不便嘅人士着想，家陣搞到維園花市嘅主要目的好似係空條大路出嚟畀輪椅咁，所以佢今年點都唔會去行嘞。