政Whats噏︰漢奸黎不顧疫情攪局　李漢奸等戴罩現身

新冠肺炎殺到香港，確診人數持續增加，人心惶惶下個個都減少外出同埋聚會。不過被內地官媒炮轟為「叛國禍港四人幫」之首嘅「漢奸黎」壹傳媒黎智英，似乎就懶理疫情嚴峻，由外地返回香港後，今日(8日)就喺其寓所攪局，密會同為「叛國禍港四人幫」成員、有「李漢奸」之稱嘅民主黨(白鴿黨)創黨主席李柱銘，以及因違法佔領行動(佔中)案被判囚8個月、緩刑2年嘅白鴿黨前主席李永達等。睇嚟漢奸黎真係唔識死喇。

漢奸黎本月2日先喺香港國際機場搭飛機離港，返抵香港後，今日就喺其何文田寓所攪局。中午12時許，李漢奸、李永達、白鴿黨前主席何俊仁(AV仁)、該黨議員林卓廷、因違法佔中案被判囚8個月嘅社民連副主席黃浩銘，同埋曾將漢奸黎嘅秘密捐款「袋住先」長達9個月嘅工黨前議員李卓人一行6人，就乘坐由漢奸黎司機駕駛嘅7人車抵達黎宅。眾人都有戴上口罩，抵達後就匆忙落車，步入黎宅。

李漢奸等人喺黎宅逗留約3個小時，先至喺下午3時許一同乘搭漢奸黎司機駕駛嘅7人車離開，不過此時李漢奸已冇戴口罩。李永達、林卓廷、黃浩銘同李卓人於7人車抵達旺角警署後落車自行離開，李漢奸同AV仁就繼續乘車離去。

查實漢奸黎今個月初、新冠肺炎已經襲港嘅時候，都肆無忌憚咁戴住口罩都要同屋企人去尖沙咀歎日本菜，之後亦曾到潮州菜館大快朵頤再離港外出，依家佢又再喺自己寓所攪局，唔通佢真係唔怕中招感染病毒？