政Whats噏：工聯會自設工場生產口罩　月產10萬個

新冠肺炎肆虐全球，搞到口罩供應緊張，依家更加係「一罩難求」。工聯會早前話會自設工場生產口罩，話咁快今日(19日)就已經有佢哋自家製嘅口罩面世。

工聯會話佢哋近日成功改裝機器同購買口罩物料，同時已經搵到防污染廠房，依家佢哋暫時會用半自動機器製造口罩，所以只能夠月產10萬個，等全自動機器喺3月底至4月初投入運作後，就可以日產10萬個喇。