政Whats噏：鍾國斌布口罩Pass檢測可重用60次　料下周上市

新冠肺炎疫情持續，口罩短缺，市民周圍撲口罩。紡織及製衣界議員鍾國斌(Felix)之前同理工大學合作，研發可以防菌殺菌、最重要係可以重用60次嘅布口罩。口罩嘅檢測報告今日(4日)終於出咗，Felix話口罩下個星期應該可以推出市場喇！

Felix今晚喺Facebook上載咗幾頁關於布口罩嘅檢測報告，好開心咁話：「有報告喇，洗60次後仲可防到99.9%菌，掂呀！依家全速前進生產，下星期應可以出街。」有網民留言表示期待，同Felix講「我啲口罩靠你喇」。另一方面，有網民問可以喺邊度買到布口罩同埋點樣清洗。

其實Felix嘅布口罩工場喺上個月已經開工，目標係每日可以生產過萬個，仲有唔同顏色揀添！依家報告一出，相信好快就可以買到，大家唔使咁心急呀。