網民熱話:破壞王「玩轉」Party Room 狂擸飲品全場變垃圾崗

2020年03月09日 07:00
東網電視
更多新聞短片
多名青年將Party Room弄至烏煙瘴氣,離開前更狂擸飲品。
新冠肺炎肆虐生意難做,若再遇上無賴客,就更加「頭痕」。昨日(8日)有Party Room店主在社交平台貼文,指生意慘淡,故加推免費任飲優惠,惟有幾名年輕客人光顧後,臨走前不止將雪櫃內飲品全部擸走,更將房間弄得「七國咁亂」,要店主執手尾。網民怒斥涉事客人過分,「同偷冇分別。」
從店主上載的幾段場內閉路電視片段可見,幾名男女青年離開Party Room前,竟狂掃放近門口雪櫃內的飲品。鏡頭及後放闊,全場混亂情況一覽無遺,雜物遍布房間每一處。而另一條片則是店主以第一身角度拍攝,房內波波池的波波散落地上,麻雀枱上驚現兩把剪刀,部分啤牌被剪毀:另外,廁所都不幸遭殃,一地雜物。
網民看過片段後直言嘆為觀止,直斥涉事客人好過分,損人不利己,「放大個樣share畀其他行家,避免有下個受害人」,「呢啲咁嘅人應該永久列黑名單。」
店主在貼文指,加推免費任飲優惠原意是希望客人玩的時候唔會口渴,「但絕對唔係希望客人臨走時拎晒所有嘢飲走,連雪櫃門都唔閂,燈又唔閂,留低一間勁亂嘅房,就咁走咗去。」最後店主更無奈稱,希望客人玩得開心的同時,離開時亦要有手尾,「尊重自己,尊重他人」。
東網就事件向涉事Party Room了解,負責人張先生直言客人比較特別,凌晨3時才致電訂房,要求3時半租用房間,惟對方表示沒有網上轉帳,故要求他們把租金放到房內,「佢哋有擺嘅,直到朝早起身睇Cam,發現成地波波。」對於雪櫃飲品被取走,他指,「金錢有限,但冇理由係咁,我自己私下放咗幾支啤酒喺入面,講明只包非酒精飲品,但佢哋都拎咗嚟飲,雪櫃得番幾罐,我諗係攞唔晒。」
網民有話說:
kyp012:真係無品,cheap精
lllkkkwww:永久黑名單
anbm12:咁嘅人都有,黐線!
※緊貼網民熱話,掌握最熱話題,請關注網民熱話fb: