政Whats噏:議辦1個月內兩遭破壞 張國鈞報警促擒暴徒

2020年03月26日 17:04
東網電視
更多新聞短片
張國鈞同黃定光嘅聯合議辦再遭破壞,並已報警。
身兼行政會議成員嘅議員張國鈞(Horace)位於柴灣漁灣邨嘅辦事處,1個月內兩度遭人破壞,繼上月被淋紅油後,該議辦外嘅告示版尋日(25日)又再被人用紅油噴上帶有政治色彩嘅侮辱性嘅字句,佢強烈譴責暴徒嘅違法惡行,並促請警方嚴肅跟進,將暴徒繩之於法。
該議辦屬於Horace同黨友、進出口界議員黃定光嘅聯合辦事處,尋日議辦外告示板張貼嘅通告被撕毀,散落一地,有人更用紅油噴上字句。兩人認為動機係出於政見唔同,又對議辦1個月內被兩次嚴重破壞感到強烈憤慨,唔單止再次譴責有關行為,亦已就事件報警。
由於議辦屢遭破壞,佢哋更要求房屋署允許喺議辦門口位置安裝監察鏡頭,喺唔侵犯任何個人私隱嘅情況下,加強議辦門外嘅保安喎。