政Whats噏:何啟明扮美少女戰士變身 咁重口味?!

20200326
東網電視
更多新聞短片
何啟明扮美少女戰士變身去送口罩。(圖片來源:何啟明FB)
好多人都鍾意玩Cosplay,咁男版嘅美少女大家又見過未呢?唔講唔知,工聯會「口罩工場」廠長何啟明今日(26日)就喺Facebook上載短片,扮美少女戰士變身。哇!咁重口味,會唔會嚇親班街坊呀?
片中所見,啟明收到電話後,跟住就扮足美少女戰士變身嘅過程,仲話「喺呢個moment,我要變身喇」,跟住就攞住枝變身棒化身做速遞員。美少女戰士變身前都會講句口號「我要代替月亮懲罰你」,唔通啟明想「代替月亮」去派口罩?
唔使估,啟明扮嘢都係為咗咁,好彩佢唔係Cosplay美少女戰士去派口罩,否則班街坊可能真係嚇到唔識反應啊!
話說工聯會嘅「口罩工場」早前已正式投產,喺上星期六(21日)仲派出咗首批口罩添!而片中所見,啟明攞住一箱箱口罩,跑樓梯上上落落咁去唔同嘅機構,又去公屋邨上門派口罩,而佢亦喺貼中hashtag「未來會繼續送」添!