網民熱話:貨車司機極失魂 車門「生劏」貨Van

20200329
東網電視
更多新聞短片
貨車車門未關好,停泊路邊客貨車無辜被撞擊。
開車前確保車門關妥是理所當然,不過有司機往往因一時大意,結果導致意外。近日有貨車司機疑送貨後未關好尾門,結果車門在行車時吊吊揈,橫掃停泊路邊客貨車,除了擊爆玻璃外,更將車身「生劏」,不過網民卻錯重點,笑稱是客貨車囤積大量食米的「報應」。
網民Yin Chong昨日(28日)將該段車Cam片上載於Facebook群組「小心駕駛(討論別人駕駛態度)」。片段由被「施襲」的客貨車後置車Cam所拍,片段開始,貨車疑送貨後離開屋邨,惟司機卻未發現尾門未關上,車門沿路一直搖晃,直至駛近一架停泊路邊的客貨車,車門一下重擊,客貨車尾門玻璃應聲爆裂,碎片四散,片段雖然在此完結,但客貨車司機事後上載多張車身損毀照片,包括尾門玻璃粉碎,車身被劏出一條深深坑紋,而載着大量食米的尾箱,則散滿玻璃碎。
網民看過片段後,都直指貨車司機離譜,更擔心貨車司機不顧而去而「冇仇報」,不過隨即有人教路:「架車側邊有公司名,睇原file逐格playback睇吓,估唔估到公司名啦!」「條邨有cctv,點會冇仇報?」亦有人關心客貨車司機,「如果你會整番,呢幾個月你都會掃到啲玻璃碎出嚟」,更有人將焦點放在客貨車放有大量食米,「個天罰你搶米」,不過有人估計司機只送貨,「唔係好似,佢真係去送貨㗎!」
網民有話說
Nelson Chan:尾門咁樣搖法都睇唔到,個司機係咪發緊夢
North Yip:做依行一定要有記性,冇記性既話就好危險
Otto Chong:重點去晒米度
※緊貼網民熱話,掌握最熱話題,請關注網民熱話fb: