卡拉OK須續停業　員工打定輸數：公司分分鐘炒晒啲人

東網電視

部分卡拉OK繼續營業，但只可提供飲食及聽歌服務。(黃雄攝)

政府決定延長卡拉OK、夜總會、派對房間及浴室等4類場所的停業令多一個星期。有卡拉OK員工不諱言已做定最壞打算，要找其他工作。卡拉OK員工陳先生(化名)表示：「生意咁差，公司分分鐘炒晒啲人，好多同事都諗住去搵工。」但他隨即無奈地說：「市道咁差，都唔知搵咩工做好。」

陳受聘於油麻地一間卡拉OK，他指公司在全港有15間店舖，不過在疫情影響下，所有卡拉OK暫停營業，本來全線要暫停，但有幾間位置較好、人流較多的地舖仍可繼續營業，提供飲食及聽歌，希望可以賺回多少成本，以支撐繼續營運。他透露，營業舖頭的返工員工只有平時一半或更少。

陳稱自己算是比較好彩可以返工的員工之一，但是生意不景，很少人來卡拉OK聽歌，收入亦較之前減少，整間店舖共有55間房，上星期日(10日)竟然一間房都無開，現在政府又再延長卡拉OK重開時間，他坦言已經打定輸數去搵工。

on.cc東網