政Whats噏:周浩鼎開街站遇襲 即場報警求助

2020年05月23日 22:11
東網電視
更多新聞短片
周浩鼎(左一)擺街站期間,遭一名男子(右一)襲擊。
好多議員平日都會擺街站同市民接觸,而議員周浩鼎(Holden)今日(23日)開街站收集市民簽名,支持中央政府制訂「港版國安法」期間,遭幾名屬於議員朱凱廸團隊成員滋擾,其後被一名路過嘅男子襲擊。Holden話已即時報警求助,又嚴厲譴責相關暴力行為。
Holden接受查詢時話,今日晏晝3點喺朗屏港鐵站對開嘅1條行人天橋擺街站,朱凱廸團隊成員無幾耐到場,然後就開始騷擾佢,Holden話無因為被人騷擾而暫停街站,但係有個路過嘅男子對佢「郁手郁腳」,喺公眾地方出手推撞佢,所以佢就即場報警,之後警員接報到場調停,雙方擾攘咗差唔多成個鐘先平息。
至於有無信心可以搵到出手推撞佢嘅人,佢就話拍晒片,證據確鑿,相信都會搵到嗰個男子。警方回覆查詢時表示,有關事件列作糾紛案處理。