網民熱話:尷尬時刻!雨水照頭淋 開篷超跑變「水車」

20200603
東網電視
更多新聞短片
開篷超跑行駛期間被雨水狂淋,但網民表現卻幸災樂禍。
連場大雨,不過依然有「死硬派」選擇揸開篷車外出。近日有網民就在紅磡海底隧道附近,拍到一架開篷超跑在落大雨下行駛,慘變「濕水車」,令不少網民失笑,紛紛猜測司機未有關上篷頂的原因。
網民Dino Chau昨日(2日)在Facebook群組「小心駕駛(討論別人駕駛態度)」上載一張圖片,配以「落雨開篷係乜嘢新玩法?」為題。照片中所見,一架紅色開篷超跑停在紅隧九龍入口,當時正下落大雨,無可避免下,雨水流入車廂,不過就未見司機有任何行動「搶救」。
不少網民都疑惑司機舉動,又諷刺稱,「用天然雨水沖刷車內細菌」、「洗吓內籠嘛!」「防水測試」,更有人懷疑跑車是租回來,有人則估計開篷系統故障才未能開啟篷頂。不過亦有人替司機反駁,「唔好咁啦,今朝我都係開篷過海,嗰時好猛太陽㗎,呢位師兄就慘啲」。
網民有話說
Cheff Lau:落完雨曬一曬咪蒸籠殺菌囉
James Chan:型...要付出代價嘅!
WM Ming:用雨水洗滌心靈
※緊貼網民熱話,掌握最熱話題,請關注網民熱話fb: