你要知:榴槤迷唔怕再中伏!水果達人教你4招揀靚榴槤

2020年06月12日 04:00
東網電視
更多新聞短片
學懂揀榴槤,以後就唔會畀人「搵笨」。
踏入六月,當造的水果多籮籮,受香港人歡迎的榴槤主要有來自泰國的金枕頭、越南的干腰及馬來西亞的貓山王。榴槤四季都有,但說到當造、好吃又價錢相宜,就是每年6至8月的夏季時間。不過不少人都遭遇過買榴槤被「搵笨」,買入又生又難以入口的爛榴槤,唔想再做「水魚」,油麻地水果舖店主Gigi就教大家挑選榴槤,大家不再怕中伏!
在挑選榴槤時,第一要先看其顏色,一般太青色代表未熟,「等到佢變咗少少黃色嘅先好食」。但要留意,榴槤有很多品種,有些品種未必能根據其外表顏色,來判斷是否熟透,所以就要留意第二步,就是測試外殼釘軟硬,如果榴槤夠熟,釘與釘之間用手輕輕撳,會感覺到稍微較軟;第三步,可以將榴槤舉起搖動,有聲音代表榴槤肉不黏外殼,是已成熟的狀態。最後一步就要留意外殼,如果由底部出現少許裂痕,亦是成熟的表現。
揀香甜的榴槤難,揀既香甜,又細核更是難上加難。Gigi直言,榴槤果肉的多少或榴槤核的大細,難以從其外觀分辨,只能按不同品種的重量來推斷,例如金枕頭出名多肉細核;長柄榴槤未必是細核,但果肉味道濃郁,也有不乏捧場客。
Gigi又建議,應按自己進食的時間來選擇相應熟度的榴槤。若然打算即晚進食,可挑選有少許裂口的榴槤;打算擺放一兩天才進食,可挑選已變黃但又未有裂口的榴槤,並以報紙包好存放在室溫。「貓山王本身係樹上熟嘅品種,買到之後應該要盡快進食同放雪櫃。」Gigi無奈說,曾有顧客反映買到的榴槤「唔好食」,其實是因榴槤未熟透,「變相嘥咗個榴槤。」
網上流傳不應購買有裂口的榴槤,Gigi解釋爆裂的程度不一,難以一概而論。少許的裂口可以方便撬開,「好似貓山王有個星形,有五個角,一熟嘅話會有條線出咗嚟,呢啲叫少少嘅裂口。」當榴槤過熟,裂口變大,不新鮮之餘又有可能暗藏細菌,此時便不應挑選。
至於如何分辨不同品種榴槤?以金枕頭為例,一般體積比較大,尾部有個尖位,味道亦較「淡口」,適合初嘗榴槤人士;馬來西亞貓山王的尾部則呈有星形,「呢個星形係貓山王嘅標籤」,味道較為濃郁;干腰則是由馬來西亞貓山王接到越南改良的品種,又稱為貓山王仔,體形較貓山王細,而其頂部較尖,中間會脹起卜起,尾部則較平滑。
除了榴槤,近日當造且深受港人愛戴還有日本水蜜桃,其當造期為每年的6至9月。水蜜桃品種甚多,亦有由日本果農所分的各個等級,不同種類和等級的價錢相距甚遠。該如何挑選水蜜桃?等級愈高,例如是山梨縣最高等級的大糖嶺水蜜桃、桃表面的毛分布夠平均及沒有蟲洞,都是好味又甜水蜜桃的保證。