網民熱話:鞋底撳過路按鍵 自私婦死撐「個個人都摸過」

20200618
東網電視
更多新聞短片
中年婦在馬路擺出拉筋動作,原來是用鞋底撳過路按鍵。
不少過路處都設有「黃盒」行人過路按鍵,方便行人過馬路及輔助視障人士,不過在疫情下,「人摸你又摸」,或許不少人存有戒心。近日網上熱傳一段短片,一名中年婦竟然選擇起腳,以鞋底代手按掣,有司機目擊事件,出言指摘,雙方更一度爆發「口水戰」。
現場是屯門屯興路與青山公路青山灣段交界,片中事主駕車在交通燈前等候轉燈,期間發現一名中年婦突然起腳,似將腳放到欄杆上拉筋,事主駛前後始發現她正以鞋底按掣,準備橫過馬路。事主即時訓斥中年婦,「用腳整污糟個掣,第二個人要摸你腳板底」,中年婦亦不示弱,出言反駁,「個個人喺度摸都污糟晒啦」,雙方爆發一輪「口水戰」,片段中年婦發現事主正在拍攝,亦拿出手機,事主見狀,語帶嘲諷說:「快啲影番我添呀,睇吓邊個擺上網,唔影正衰人。」
片段在網上熱傳,大批網民批評中年婦缺德,「好討厭呢啲自私精」,「都幾十歲人仲要死撐」,又大讚事主訓斥的做法,較只拍片,事後放上網公審更好。不過亦有網民認同按鍵不衞生,建議當局可研發設在地面用腳踩的過路鍵。
網民有話說
Benny Tang:開頭仲以為佢拉筋,原來係撳個黃色掣
Zycas Lee:正義司機「well燈」
Ken Lee:做咗幾十年人都唔化,用腳踩制,返屋企用腳開門我就話你叻。
※緊貼網民熱話,掌握最熱話題,請關注網民熱話fb: