姊弟虐戀案 庭上爆男友愛聞腳兼早洩 女被告:戴套好快軟

2020年07月28日 14:34
東網電視
更多新聞短片
被告麥凱晴出庭自辯,否認向男友施襲。(辛永明攝)
32歲計算機科學系一級榮譽畢業高材生,疑遭年長7年初戀女友虐打,女方涉用風筒烘吹其陰莖致他起水泡脫皮,女被告今日(28日)在區院出庭自辯,指與男事主X一見鍾情,又大爆與X的閨房性事,聲稱X不願戴避孕套,因為「每次戴完就好快軟咗,難得可以硬到,幾秒之間就射咗出嚟」;她又指X有特別的性癖好,是「腳癡」一名,愛嗅女人的腳,經常藉詞替她脫鞋浸腳,惟X有早洩問題,令她「幾乎無滿足過」。
39歲被告麥凱晴自辯時指,自己在加拿大一所大學畢業後回港,案發時任職保險經紀,不過在本案曝光後,她已遭公司解僱,現為無業。2018年4月初,她透過婚姻介紹所一個相睇活動認識X,她覺得對方「好斯文、好細心、好聰明,有一見鍾情嘅感覺」。
同月底,他們迅速發展成為情侶,二人到內地從化溫泉旅行期間,X提議觀看色情影片,又播放一些男女互相舔腳的片段。X問她:「你有無試過啲特別嘢?」,被告向法庭表示:「佢(X)好鍾意聞嘢,覺得女仔隻腳好靚,佢話唔知我係咪其中一個靚腳嘅女人」。
被告指,當時她當住X面前直言對方興趣好奇怪,她說:「我喺加拿大都有接觸呢啲嘢,但返到香港,呢個地方好保守,搵呢類型partner(伴侶)非常困難,我未遇過有呢個興趣嘅男朋友」。後來X經常藉詞替她脫鞋浸腳,X會指「BeBe,不如我幫你除鞋呀,你隻腳攰唔攰?」、「你著高踭鞋咁辛苦,我攞啲嘢過嚟畀你浸腳」。
被告憶述2018年5月,她與事主首度性交,事主在無預先知會下,沒戴避孕套便插入她體內及射精,她感到激動和懼怕,因早年她在加拿大滑雪遇到意外,令她的椎盤受傷,醫生指日後她若懷孕,她有可能小產或有生命危險。當時她警告X不要再有下次,否則一定分手。
雖然之後性交X都有戴避孕套,但被告直言X不能維持勃起狀態,每次X戴套「幾秒就會軟咗,最長時間都係幾分鐘」,他們曾嘗試改用較薄或不同地方製造的避孕套,惟情況一直無改善。被告說:「佢(X)自尊心好強,一有呢個情況就會好frustrated(沮喪)好唔開心,覺得自己好無用」,她遂要安撫對方。被告又坦言:「好老實講我真係好愛佢,所以覺得做唔到咪做唔到囉,我見到佢唔開心,我又好唔開心」。
對於X早前供稱,被告因不滿他性交時「好快完事」而向他施襲,被告對此表示絕不同意,她說:「唔知點解佢咁講,呢樣嘢無發生過!」,她指後來她只是減少與事主行房來表達有關的不滿。X明天會繼續作供。